أكتر حاجة فرقت معايا انكم علمتونا نحب الأطفال نفسهم مش لحاجة فيهم. كل مجموعة خدام الكنيسة اللي اخدت التدريب عملت تأثير واختلاف كبير في مدارس الأحد والحاجة الأخيرة المدرسة اهتمت بالبناء الروحي لينا ولشخصيتنا مش بس للخدمة.

عاوز أشهد عن المدرسة انها فعلا بتغير الواقع بجد انا مكونتش بحب أنزل مدارس الأحد دى خالص لأنى مكونتش بستحمل دوشة الأطفال، بس لما دخلت المدرسه واتعلمت إزاى احتضن الأولاد وإزاى أصاحبهم وإزاى أكون مصدر ثقه ليهم. انا فخور إنى خريج من المدرسة .

فرق معايا حقيقي المدرسه بكل تفصيله فيها، فرق معايا جدااا أن الأطفال هم الأعظم في الملكوت وكمان فرق معايا اني أعيش كل كلمه بقولها للأطفال لأن مدارس الأحد مش مجرد قصص بتتحكي وخلاص، لكن حياه بنعيشها، وفرق معايا ان السكه مش بتخلص لكن مكملين معانا حتي بعد المدرسه عايزين يعرفوا اخبارنا وبيشجعونا نكمّل السكة.

أحب أشهد بجد عن المدرسة انها فعلًا سبب تغيير كبير في حياتى وخدمتى، فرق معايا طريقتى في الخدمه ومفهومى عن انى بخدم الأعظم في ملكوت السماوات بشكركم جدًا. كل الخدام والمسئولين عن المدرسه وصلّتوا لينا محبتكم للخدمة وللأطفال ولينا، وإصراركم أننا نكمّل في خدمتنا باللى على قلب ربنا للأطفال ونشوفهم جيل بكره اللى هيغير.