المدرسة الرابعة  2018/ 2019 

تم تدريب وتخرُّج 32 متدرب من خدام الكنيسة  الإنجيلية بقصر الدوبارة بالشراكة مع خدمة TC بالقاهرة .

تميز هذا التدريب بعمق التحديات الخاصة بالخدمة وسط اطفال القاهرة الكبري وصعوبة وسرعة الحياة بالقاهرة إلا ان هذا التحدي اضاف ابعاد جديدة لأذهان

المدربين والمتدربين معاً وكان عدد المتدربين  32 .

 

بعض من آراء المتدربين

ساندرا اسحق – القاهرة

انا فرق معايا أوي في المدرسة  كل الإبتكارات في طرق التعليم وإزاي إننا مش بس نتعلم ويكون عندنا معلومات، لكن نطبّق عملي، نحضّر ونفكّر ونقدم كمان كتجربة. فرق معايا كل تشجيع وكل وقت صلاة، وكل ألعاب أو تدريبات ساعدتنا نخرج من منطقة الراحة. فكروني بالمسئولية و قد إيه أن خدمة الطفل حاجة كبيرة مش حاجة صغيرة.

نقرات

دميانه – القاهرة

من أكتر الحاجات اللي فرقت معايا اني مش بدخل أدلق الدرس وأطلع. فكرة تقسيم الدرس وكمان اللعب وسط الدرس واللي فرق معايا جدااا فكرة المشاعر مكنتش بعرف أوصلها قبل كده للأطفال، كمان الإستجابه كنت بحسها حاجه عمليه بحطها في طريق الطفل مش بديله هدف وأجري.

نقرات

ميرل ابراهيم – القاهرة

حقيقي كورس تلمذة خدام الأطفال كان من أفضل الكورسات اللي حضرتها مش بس عشان الموضوعات المبتكره والعمليه اللي اتقدمت فيها؛ لكن كمان أوقات العباده والصلاه أد ايه كانت حقيقيه وفيها كلام من الرب بوضوح لحياتنا احنا كأشخاص قبل ما نكون خدّام للأطفال. الرب شجعني جدًا من خلال الكورس ده وساعدني اأطوّر مهارات عندي في خدمة الأطفال  وتشجيع الخدام الجدد.

نقرات

باسم رزق – القاهرة

المدرسة فرقت معايا انها تعرفني أد ايه دوري كخادم مهم في حياة الأطفال، أد ايه خدمة الأطفال أمانة ومسؤلية خطيرة يا إما اعملها للآخر أو بلاش.

نقرات